წითელი ჯვრის საერთაშორისო კომიტეტი (ICRC) 8 დეკემბრის განცხადებაში იტყობინება, რომ ბოლო კვირების განმავლობაში მისმა თანამშრომლებმა მოინახულეს რუსეთისა და უკრაინის პატიმრობაში მყოფი სამხედრო ტყვეები და შეამოწმეს მათი მდგომარეობა და პირობები, ასევე მიაწოდეს "ახალი ამბები მათ ოჯახებს, რომლებიც დიდი ხანია, ასე ელოდნენ ცნობებს მათ შესახებ". წითელი ჯვრის საერთაშორისო კომიტეტმა (ICRC) განაცხადა, რომ ეს მონახულება წარმოადგენს "მნიშვნელოვან წინსვლას", თუმცა დასძინა, რომ მას უნდა მიეცეს შეუფერხებელი წვდომა სამხედრო ტყვეების "განმეორებით და პირადად" მოსანახულებლად. „ეს სტუმრობა მნიშვნელოვანი წინ გადადგმული ნაბიჯია საერთაშორისო შეიარაღებული კონფლიქტის სისასტიკის ფონზე ადამიანურობის შენარჩუნების საქმეში,“ - თქვა წითელი ჯვრის საერთაშორისო კომიტეტის პრეზიდენტმა, მირიანა სპოლიარიჩმა. „ჩვენ შეგვიძლია ვნახოთ, როგორ ეპყრობიან სამხედრო ტყვეებს და დავრწმუნდეთ, რომ ოჯახები იღებენ მათ შესახებ აქტუალურ ინფორმაციას. მოველით, რომ ამ სტუმრობას მოჰყვება სამხედრო ტყვეების უფრო რეგულარული მონახულება“. ...