საავტომობილო გზების დეპარტამენტის ინფორმაციით, ბაღდათი-კურორტ საირმის მონაკვეთზე, 2024 წლის პირველი აპრილიდან პირველ მაისამდე ავტოტრანსპორტის მოძრაობა ყოველდღიურად შეიზღუდება. უწყების განმარტებით, ამის მიზეზი ქუთაისი(საღორია)-ბაღდათი-აბასთუმანი-ბენარის საავტომობილო გზის სარეაბილიტაციო სამუშაოებია. გზების დეპარტამენტის ცნობით, შეზღუდვა იმოქმედებს 10:00 საათიდან 13:00 საათამდე და 15:00 საათიდან 19:00 საათამდე, ხოლო დღე-ღამის დანარჩენ პერიოდში ავტოტრანსპორტის გადაადგილება გაუჩერებლად გავლის რეჟიმში იქნება დაშვებული. უწყება აცხადებს, რომ ავტოტრანსპორტი ამ რეჟიმით შსს-ს შესაბამისი რეგიონული ქვედანაყოფების უშუალო ზედამხედველობით და კოორდინაციით იმოძრავებს. ...