ლატვიის საგარეო საქმეთა მინისტრი ბაიბა ბრაჟე საქართველოში "აგენტების კანონის" განხილვის ირგვლივ განვითარებულ მოვლენებს ეხმაურება და აცხადებს, რომ "ვითარება საგანგაშოა". მისივე თქმით, იგი ქართველ კოლეგას, ილია დარჩიაშვილსაც ესაუბრა და უთხრა, რომ "აგენტების კანონპროექტი" საქართველოს ევროპულ მისწრაფებებს უთხრის ძირს. "საქართველოში ძალიან საგანგაშო ვითარებაა. ლატვია გმობს მშვიდობიანი მომიტინგეების წინააღმდეგ ძალადობის გამოყენებას. სამშაბათს საგარეო საქმეთა მინისტრს, ილია დარჩიაშვილს, ვუთხარი, რომ "უცხოეთის გავლენის შესახებ კანონპროექტი" ძირს უთხრის საქართველოს ევროპულ მისწრაფებებს", - წერს ბაიბა ბრაჟე სოციალურ ქსელ X-ზე. три „აგენტების კანონის“ წინააღმდეგ საპროტესტო აქციები სახელწოდებით: „კი ევროპას! არა რუსულ კანონს“ თბილისში მესამე კვირაა უწყვეტად მიმდინარეობს. 1 მაისს საქართველოს პარლამენტმა „აგენტების კანონი“ პლენარულ სხდომაზე მეორე მოსმენით მიიღო. „უცხოური გავლენის გამჭვირვალობის" კანონის ძალაში შესვლის შემთხვევაში, მედიასაშუალებებსა და არასამთავრობო ორგანიზაციებს, რომლებიც დაფინანსების 20%-ზე მეტს უცხოელი დონორებისგან იღებენ, დაავალდებულებენ, დარეგისტრირდნენ, როგორც „უცხოური ძალის ინტერესების გამტარებელი ორგანიზაცია“. ...