აშშ-ის თავდაცვის მინისტრის, ლოიდ ოსტინის 2 მაისის განცხადებით, იგი ვერ ხედავს ნიშნებს, რომ ჰამასი - რომელიც აშშ-ის და ევროკავშირის მიერ ტერორისტულ ორგანიზაციადაა გამოცხადებული - გეგმავს რაიმე სახის შეტევას ღაზაში აშშ-ის ძალებზე. თუმცა ოსტინი დასძენს, რომ სამხედრო პერსონალის უსაფრთხოებისთვის შესაბამისი ზომებია გატარებული. პარალელურად, უსაფრთხოების საკითხებში თეთრი სახლის პრესმდივანი ჯონ კირბი ამბობს, რომ რამდენიმე დღეში უნდა ამოქმედდეს საზღვაო დერეფანი, რომელსაც აშშ-ის არმია აგებს ღაზაში ჰუმანიტარული დახმარების შეტანის ხელშეწყობის მიზნით - მიუხედავად ცუდი ამინდისა, რომელიც სამუშაოს ართულებს. ღაზაში ომს ბიძგი მისცა 7 ოქტომბერს სამხრეთ ისრაელზე ჰამასის თავდასხმამ, რომლის დროსაც მძევლად აიყვანეს 253 პირი. ისრაელის მონაცემებით, იერიშს ემსხვერპლა 1200-მდე ადამიანი. ისრაელმა ამას უპასუხა ღაზაზე შეტევით, საჰაერო და სახმელეთო იერიშებით, რასაც, ღაზის ჯანდაცვის უწყების ცნობით, 34 500-ზე მეტი პალესტინელი შეეწირა. პალესტინელებს არ აქვთ საკვები, საწვავი და მედიკამენტები, ისრაელის შეტევის შედეგად შექმნილია მწვავე ჰუმანიტარული კრიზისი, განადგურებულია ტერიტორიის დიდი ნაწილი. ასევე ნახეთ ბლინკენი ისრაელს და ჰამასს ეუბნება, რომ "ახლაა დრო" ცეცხლის შეწყვეტისთვის ...